SINGARAJAFM,-Pura Ulun Danu Batur kantun katutup antuk krama. Punika kalaksanayang riantukan Dèsa Adat Batur kantun Cuntaka dèsa risampuné PamucukPura Ulun Danu Batur, Palinggih Danè Jero Gedé Batur Kawanan ( Alitan) lebar ring rahina Soma,( 06/1).
Jro
Penyarikan Duuran Batur maosang risampunè lebar Palinggih Dané Jero Gedè Batur
Kawanan ( Alitan), Dèsa Adat Batur kantun cuntaka dèsa. Saluiring upacara yadnya
nénten prasida kalaksanayang sadurung upacara palebon puput.
“Titiang
nunas pangaksama majeng ring umat Hindu, krama Bali yening wenten pikayunan mabakti ring Pura
Ulun Danu Batur lan Pura Pengideran Ida Bhatari durung prasida kalaksanayang
lan Pura puniki kantun katutup antuk galah sané durung prasida kapastikayang
riantukan cuntaka desa. Yening wenten
upacara ring desa soang-soang, sida ngayeng Tirta Ida Bhatari saking pura
khayangan desa utawi merajan soang-soang”,baos Jero Penyarikan Duuran Batur,
selasa (7/1)
Pamargin
Pura Ulun Danu Batur miwah Pura Pengideran Ida Bhatari pacang katutup ngantos
kauningin malih, risampun upacara pelebon Palinggih Dane Jero Gede Batur
Kawanan (Alitan) puput.
Kauningayang
taler indik piranti upacara palebon Palinggih Danè Jero Gedè Batur Alitan sampan
ngawit kalaksanayang. Upacara palebon pacang kalaksanayang ring tanggal 24
Januari 2025. Manut dresta ring Désa Adat Batur, upacara palebon Jero Gede
Batur Alitan pacang nganggé sarana Badé Tumpang 9 antuk pangesengan bé kaang.
Jero Gede Batur mekalihan (Jero Gede Batur Kawanan (Alitan) miwah Jero Gede
Batur Kanginan (Duuran) inggih punika representasi dalem sané secara gelar
kasengguh dalem sesangglingan sané pinaka wakil dalem ring wewidangan
pagunungan.
“Ring
purana katlatarang yéning Jero Gede Batur Alitan lebar, patutnyané nganggén
Bade tumpang 9 antuk petulangan/pengesengan kaang (iwak). Nanging yéning Jero
Gede Batur Duuran nganggén Bade tumpang 11 antuk petulangan marupa Lembu putih”
baosnyane.
Nyingakin
upacara pelebon puniki arang pisan kamargiang, Jero Penyaringan Duuran Batur
maosang pihaknyane taler ngrereh dasar
mangda pamargin upacara prasida mamargi sakadi patut. Pamuput upacara palebon
ring Batur sané kaanggén Jero Gede Batur Duuran kamargiang sawatara warsa
60-an. Sakemaon palebon ring Batur sané
katuju antuk Jero Gede Batur Alitan sané kaping untat kamargiang sawatara warsa
1957 utawi 1958.
Punika mawinan antuk wates galah punika, titiang nénten madué catetan indik kawéntenan punika. Wantah akedik catetan sané wénten ring Raja Purana indik Bade miwah pagending sané kaanggén. Indik pamargi titiang durung manggihin, punika mawinan titiang ngelaksanayang tetimbang ring makudang-kudang griya lan puri mapaiketan sareng punika", baos Jero Penyarikan Duuran Batur.
0Komentar