 |
| LIBUR NATARU: Antisipasi kemacetan Pelabuhan Ketapang dan Giimanuk sudah mempersiapkan upaya penanganan serius (Foto Jawa Pos Radar Banyuwangi) |
Usul malih rauh saking DPRD Bali, sasampun wenten wacana indik plat kendaraan saking dura Bali kalarang ngeranjing ke Bali duk Nataru, sane mangkin Ketua Komisi II DPRD Bali, Agung Bagus Pratiksa Linggih, ngusulang ngalihang margi ring Pelabuhan Gilimanuk, Jembrana, ring rahina Natal 2024 miwah warsa anyar 2025.
Manut dane, puniki pinaka pemargi anggen ngirangin kemacetan.
"Napi malih bus ageng miwah alit, sane nenten kendaraan swasta, anggen ngirangin kemacetan," baos dane risampune matemu sareng Dinas Perhubungan Bali, Selasa (10/12/2024).
Agung ngusulang mangda transportasi wisata rute darat kaalih ke rute Kabupaten Buleleng rikala Natal lan Tahun Baru (Nataru), lempas saking ngilangang macet, taler kaaptiang presida ngenalang destinasi wisata tiosan ring Bali Selatan.
"Pengalihan ke Buleleng liwat Bedugul utawi munggah ke Kintamani, minab akehan wisatawan durung taler uning wenten destinasi wisata sane tiosan ring Bali, dadosnyane lempas saking ngilangang macet iraga taler prasida ngenalang objek wisata," baos dane.
Nyawis usulan politisi puniki sane taler mawit saking Buleleng, Kepala Dinas Perhubungan Bali, IGW, Samsi Gunarta, maosang inggian utsaha ngirangin kemacetan rikala Natal lan Tahun Baru (Nataru) patut kapikayunin becik-becik.
Unteng kemacetan inggih punika ring pamedalan Bali minakadi bandara lan pelabuhan, taler genah wisata, pamekas ring tigang rahina sadurung Natal 2024 lan Tahun Baru 2025. (ANTARA)
0Komentar